Pu Solomon le Ålesund Chin mi

Kanram Dohthlennak caah kum 23 leng tiang a nunnak le thazang pe in rian attuan cuahmah mi kan "Lai Pasal Ttha" Pu Solomon cu Ålesund Chin mi he March 14 zaan le 15 zaan i tawnnak ngeih asi i, 16 zanlei Kl.18:30 ah Oslo lei ah a kal tthan.  Lungsau tein biaruahnak a kan ngei mi cungah kan lung aa lawm ngaingai.  Biaruahnak ah a bik in a kan ruahmi hna cu (1) Zei ruangah dah CNF nih hriamnam aa tlaih, (2) Refugee ramdang kal khawhnak caah CNF nih  rian a rak ttuan hmasanak kong, (3) Zeiruangah dah Regugee kan si khawh nak kong, (4) CNF reform an tuahnak kong le Kawlralkap he remdaihnak an tuahnak kong (5) CNF member lu a duh mi lut kho a si nak kong, (6) Chin Flag sining le a konglam fianhterh nak le International ah hmang khawh asi nak kong le (7)  Regional chung Center committe serhding le CC member caah mi thimnak zawng a kan ngeih piak.

Cu lengah Tlangcungmi vialte fawn in ralkap bu serhnak kong le refugee ramdang kalnak ah Quam lio in rian an rak ttuannak le CNA ralkap chung thil sining vialte a kan fianhter. Lung awttawm le theifiang lomi thil tampi hna le aluan ciami CNA chung thil sining zei mawzat hna zawng biahalhnak tuah asi i lungsau tein fianhternak a kan ngeih pin ah hi hnu CNA ralkap pawl hi hlanlio nak in attha deuh in, asi khawh chung in CNF nih zohkhenhnak ngeih khawh ve cang seh tiah saduh an thahnak cungah Chin Land Club chungtel tam khawh chung tam ding a biapi nak kong zawng a chim rih.  Kan ram atthat tik ah CNF nih permanent ralkap ngeih ding in timhnak an ngeih cang caah ralkap attuan hngah ding zawng mah lungtho tein aa pek kho mi tu kha CNF nih an cohlannak kong a chim. Cu pinah kan Chin mi Pathin kan biak ningcang le Politic sining zeihtin kalpi ah attha bik i, Pastor le Church hruaitu hna kan mipi caah an biapi tuk nak kong le Politic lei ah kan mi phun hawi Kachin hna an cawlcang ning zawng fiang tein a kan chim khawh. Hi ti lungsau te'n bia a kan ruah caah mipi kanlung a piang cikcek, kan lung a hmui khun i zeilei paoh ah kan lung athawh i Chinland Club member zawng mi 10 in 18 tiang min list kan i chap cawlh. Cu pinah CNF chungtel sinak zawng mi tambu nih lak ding in timhtuahnak an ngeih lio a si tiah kan theih caah lunglawmhnak tampi kan ngei.

By Maipa